銀之冰室 (已結業)

今日开始自制长假，所以去先食过开心lunch。第一次去呢一座大厦，喺楼下睇水牌睇下有咩食，见到呢间餐厅个名，即刻上去openrice睇下有咩推介。起初见到个餐牌觉得食个lunch要百几蚊有啲贵，不过都谂住上去望咗先算。上到去觉得个环境几靓，又阔落又舒服，一于就试下。坐低咗之后，职员攞个餐牌过嚟，主动介绍下今日个lunch有乜野食，同埋讲下今日有乜嘢餐汤，态度好nice又有礼貌。最后我叫咗个all day breakfast。个餐上到嚟，摆盘好靓。今日个餐汤系打咗蓉嘅蘑菇忌廉汤，好好味。因为餐厅系落地玻璃，所以好光猛 环境清净，慢慢咁叹午餐，睇下小说听下歌，感觉非常好。埋单𠮶阵时发现，原来畀现金有5% discount，好开心，又赚左呀 ! 收银𠮶个应该系经理，非常之有礼貌咁问下我对今日个lunch有咩意见，值得一赞。下次有机会，我会再约埋啲friend一齐上嚟吹水!