影片
更多
2021-08-21
15 浏览
星期日约咗好姊妹食lunch，佢好钟意花花所以就去咗呢间餐厅，一到步入到去好似入咗爱丽丝嘅梦游世界咁🐇 餐厅好多位都适合打卡，特别系近窗边同靠墙嘅位置布置得好靓，一打开本花花餐牌见到有好多款唔同嘅主食，睇得出每款由个名到卖相都用咗唔少心思设计。招牌菜式～紫醉金迷 （$178），呢个菜式系用新鲜紫椰菜打碎同忌廉一齐煮嘅意大利饭配上清酒青口同香草蒜蓉烤大虾，大虾大大只铺满芝士再喺上面铺满金箔，一上台简直系视觉嘅享受，打卡满分，紫椰菜主要系调色，意大利饭每啖食落都充满香浓嘅忌廉味。二重奏忌廉烟肉芝士猫耳朵 （$118），一上枱已经闻到好香浓嘅芝士味，厚厚嘅半溶芝士做到拉丝嘅效果，猫耳朵口感烟韧而且挂汁，同忌廉烟肉汁系好完美嘅配搭。饮品-White Hse Cookie Cup ，又系打卡精选，招牌小熊杯好可爱，因为杯身系曲奇制造，记得要两只手揸住饮，饮完牛奶就可以食埋只杯做甜品，咬左朋友只「杯」一喺，味道不错😆。玫瑰花酿红茶，味道好清新，望住四周围嘅花海再饮啖玫瑰花茶，视觉同味觉双重享受。整体嚟讲呢间餐厅好适合钟意影靓相打卡嘅姊妹们，悠闲嘅假期同好姊妹去花花世界走一趟也不错！
餐厅好多位都适合打卡，特别系近窗边同靠墙嘅位置布置得好靓，一打开本花花餐牌见到有好多款唔同嘅主食，睇得出每款由个名到卖相都用咗唔少心思设计。
招牌菜式～紫醉金迷 （$178），呢个菜式系用新鲜紫椰菜打碎同忌廉一齐煮嘅意大利饭配上清酒青口同香草蒜蓉烤大虾，大虾大大只铺满芝士再喺上面铺满金箔，一上台简直系视觉嘅享受，打卡满分，紫椰菜主要系调色，意大利饭每啖食落都充满香浓嘅忌廉味。
二重奏忌廉烟肉芝士猫耳朵 （$118），一上枱已经闻到好香浓嘅芝士味，厚厚嘅半溶芝士做到拉丝嘅效果，猫耳朵口感烟韧而且挂汁，同忌廉烟肉汁系好完美嘅配搭。
饮品-White Hse Cookie Cup ，又系打卡精选，招牌小熊杯好可爱，因为杯身系曲奇制造，记得要两只手揸住饮，饮完牛奶就可以食埋只杯做甜品，咬左朋友只「杯」一喺，味道不错😆。玫瑰花酿红茶，味道好清新，望住四周围嘅花海再饮啖玫瑰花茶，视觉同味觉双重享受。
整体嚟讲呢间餐厅好适合钟意影靓相打卡嘅姊妹们，悠闲嘅假期同好姊妹去花花世界走一趟也不错！
张贴
