古早味台灣原味 (已結業)

知道阿妹每年至少去台湾一次放假轻松，享受夜市美食当然系其中一个目的，但喺香港食到正宗台湾菜似乎唔多，我就揾定料，今晚一于同阿妹喺铜锣湾食台菜，一尝「古早味台湾原味」啦⋯⋯哈哈！好彩我一早订枱，我哋入座后慢慢全场爆满，而且开始有食客排队等枱。餐厅环境充满台湾色彩，一岀䢂就见到「古早味台湾原味」与酒樽墙，特色嘅装饰布置，感觉自己身处台湾新式饭店，令人好亲切。餐厅更懂善用空间，眼见有一班十几个人嘅食客都可以有张大方枱坐埋一齐，另又有一间房，就算我哋二人枱都一样坐得食得舒服。服务方面亦能承接台湾有礼文化，无论点餐、留意食客需要、选择食物时嘅温馨提示⋯⋯等等，都好主动并有礼回应，呢方面的确值得一赞！而食物选择真系超多，彷似喺台湾夜市所揾到嘅美食，浓缩集中于一间餐厅上。无论小食、特色推介、素食主义、小菜、火锅、饭面、甜品、饮品分类中，选择项目都起码有十几款或以上，每样口味特色应有尽有，对质素要高、选择要多嘅阿妹超级开心。左拣右拣下，我哋今晚嘅台菜选择如下⋯⋯绍兴醉虾 (冻)：醉虾有冻/热选择，原本想拣热食，服务员姐姐超细心，告知如食得冷盘，冻食口感味道会更佳。果然无介绍错，虾肉爽口，味道带阵阵杞子