Burgerman (欽州街) (已結業)

本人一向喜爱浓味东西, 一直致力找寻M记以外的汉堡皇, 今日同朋友行开卧虎藏龙的深水埗, 系黄金附近条食街不远处见到有burger的纵影, 点都要试试啦burgerman用左美式风格呈献, 我同朋友二人行拣左音响下的位置坐, 一黎想听下佢的pop music, 二黎唔想太高调坐出面, 然而眼见餐厅贴心地安排好哂用餐手套同纸巾, 睇黎预你食完继续会行街想食客食得舒服又无手尾, 服务认真周到贴心!!  根据唔好食从来唔入我口的原则, 我梗系拣左最强的鹅肝汉堡啦! 因为即叫即做的关系, 等左十分钟左右巨型汉堡上桌, 我一D都无夸张, 个汉堡好巨型, 其实食一个就会够饱, 所以做中午餐系唔会太少!汉堡饱面上加左无花果汁令到成个饱不致于太油腻 鹅肝真系好滑好香, 同个酱味道一致而塾底的就系新鲜蔬菜同牛肉, 不愧系皇者推介, 好创新同将高级食材平民化正呀!!!然后我顺势点个水牛城鸡翼试下, 鸡翼炸得皮脆肉滑, 最精彩系酱汁酸酸甜甜令到鸡翼味道极之丰富好爽呀!! 再加上铺头有几种tea俾客人拣, 食完鸡翼饮个tea 比起汽水更合衬