四川担担麵 (已結業)

虽然唔系食得好辣，但我一向都钟意食麻辣食物。之前见到杂志介绍左呢间铺头，今日星期六特登过嚟试吓。店仔细细但系干净整齐，'老外'老板喺门口好热情咁样招呼客人，介绍食物，落单。杂志介绍老板娘系四川人，做大厨。虽然细细间，但仲有两个职员。因为今日系星期六所以冇午市套餐，我哋一行二人，点左一个成都style 四川担担面 (即系有麻酱），牛肉面，凉拌豆腐皮同埋凉拌鸡，当然唔少得嘅，仲有嘢饮，解辣用。先讲个四川担担面，我要嘅系regular 辣，初初食嘅时候觉得普普通通，唔系好辣，但越食越辣...不过都接受嘅，下次可以要再辣D。面条唔系我哋平时系出边食到嘅担担面面条，酱汁味道唔错，仲有我最钟意嘅花生。如果可以再 '麻' 啲就会跟加好！唯一嘅意见系份量太大食净一半。虾子饼叫咗个中辣嘅牛肉面，味道都唔错，佢就话唔够辣。牛肉好林，厨师仲加左笋，我就觉得味道唔错。豆腐皮，杂志就推介呢个，个人觉得一般，下次会试吓木耳。至于个鸡，明明系under 凉拌，但原来系炒嘅⋯⋯味道都唔错，份量亦都值回票价！总括嚟讲，食物绝对有水准，服务亦都唔错。市面上嘅小店越来越少，剩返嘅都系连锁食肆，老板要多多加油！I will