九記打冷.小菜.粉麵 (已結業)

与友人饭局, 朋友介绍了这家菜馆。 未去前先查看食评, 见乜都冇, 心里已有点犹疑😒, 但朋友话佢平靓正, 而朋友又系主角就吓佢博一博! 朋友先叫个茶湿口, 向来好少饮泡到近乎透明嘅茶, 但见佢茶色色泽唔错, 口又干就饮吓, 完全出乎意料, 竟然用茶餐厅做柠茶嘅香浓茶胆奉客, 劲有Twining红茶味道, 个人劲like! 点菜时至知呢间菜馆原来昰新开, 还在试业中, 难怪零食评!只等了一会, 点嘅菜都陆续上枱!盐焗乌头🐟朋友推介这乌头, 并硬要不吃鱼的我试, 试了轻轻一啖, 不腥、不鞋, 真的还ok噃!清炒韮菜🌸炒得非常香滑! 应该用了鸡油爆炒才有此独特香味! 菜只留幼嫩部份, 因此非常嫩口, 正!卤水拼盘、卤水、卤水鹅豆腐软滑, 鹅肉唔鞋, 正常水准!紫菜鱼旦牛根丸鱼旦弹牙, 冇腥味。 个人最欣赏黑椒牛根丸, 非常弹牙香口, 淸心丸绿豆爽最爱此糖水! 很多食店会做此糖水, 工序多,  还要即做。 淸心丸口感烟靭, 而且内里软熟, 加上香焾嘅绿豆, 糖水有种桂花香, 一个糖水三种味道, 非常掂!最初以为食物普通, 大部份菜式没有影相, 真系有点后悔! 😫呢餐一行4人, 人均消费约一百