Briketenia

营业中

休息中

自从北角汇开咗商场之后，食嘢睇戏到方便咗好多，无意中发现左环境唔错既法国餐厅，同另一半撑枱脚一流。法式面包一向比人感觉都系硬，但呢份餐前面包唔硬之余，松软香脆比例刚好，配上自家制酱汁先声夺人。忌廉蘑菇汤蘑菇汤好足料，香浓忌廉加上面包碎，香滑浓郁。法式鹅肝焦糖炖蛋配田园沙律焦糖炖蛋通常甜品先见到，职员喺落单时介绍法式鹅肝焦糖炖蛋系餐厅既Signature，果然冇介绍错，鹅肝味浓配合炖蛋，一放入口就好似滑落喉咙既感觉，但味道会维持喺口腔一段时间，之后食返沙律清清味蕾准备下一道茶。烩牛面颊意大利饭牛面肉淋到不得了，肉味超浓，口感似牛筋腩，但更松化，肉汁配上意大利饭，食到停唔到口。油封法国鸭腿配新薯 红莓汁油封鸭腿系手工菜，工序繁多，鸭皮香脆鸭肉粉嫩，配上红莓汁酸酸甜甜，非常醒胃。