Hugo Le Resto Grill (已結業)

与朋友相约于铜锣湾行街食饭， 两个人一心都系打算食西餐，但系因为星期日。人数实在太多，估唔到朋友揾到一间位于铜锣湾闹市中， 少数未畀人知嘅西餐厅。最简单一人一份set dinner。自助沙律吧， 款式种类唔算多，但系想食嘅都有，令我最惊喜嘅系有蜜瓜包马火腿。 沙律吧任食，如果喺其他餐厅可能真系要再加钱，餐厅都算几有良心。美国顶级牛腹肉扒， 细细盘，但系睇得出餐厅用心经营，小小嘅蜡烛火，令到铁板充满暖意，唔会令到本身热辣辣嘅牛扒变冻， 又唔会煮到过熟，值得推介嘅。三文鱼牛油果炒饭， 重点一定系唔油腻。另外三文鱼份量十足。配合牛油果，减肥圣物，估唔到口感出奇地出色。热朱古力， 好普通嘅一杯热饮。地理完全优胜，绝对可以有机会再来。