Plato Cafe & Bistro (吳松街)

想食德国炸猪手又唔想去啲酒吧餐厅入面？成日经过佐敦吴松街都会见到呢间西餐厅入面坐咗唔少人，当中不乏唔同年龄嘅外籍人士，想静静地感受意式风情可以嚟到呢间Plato cafe and bistro今次我哋一行两人本来想试吓好吸引嘅二人套餐，但系睇到套餐分量十足怕浪费食物，最后我哋决定叫一个德国脆皮咸猪手同西班牙海鲜饭就够喇，虽然得两个菜式，但系份量一啲都唔输蚀。德国咸猪手上菜嘅时候店员已经为我哋切好，等享用嘅时候唔使太论尽，虽然切好咗，摆盘、温度都依然保持到。通常好脆皮嘅咸猪手会有一个通病，就系肉质会太干，但呢度嘅咸猪手就冇问题喇，咬落去表皮索索声，配合埋酸菜一齐食中和返油腻感，而且炸到咁脆嘅猪皮下面竟然仲食到烟韧嘅胶质，值得一试。好味指数:🌕🌕🌕🌗🌑第二个菜式系西班牙海鲜饭，见到颜色方面已经同坊间嘅西班牙海鲜饭有所不同，闻落嘅味道充满虾油嘅味道，饭身浓稠得嚟唔会好淋，加入咗蕃茄、青椒同蘑菇亦令到海鲜饭清新不少，海鲜饭上嘅虾肉无论大小同质地都有返咁上下好味指数：🌕🌕🌕🌕🌑食完呢两碟菜式我哋都未够喉，仲加咗两杯特色饮品试吓，我哋分别嗌咗一杯芒果沙冰同埋杂莓奶昔，两杯都充满果味而甜味唔会好突出