影片
更多
2020-10-22
784 浏览
呢间餐厅本人经常会过来, 佢嘅定位系bar & restaurant, 所以日头呢就做茶记生意, 夜晚呢就可以饮酒同darts, 当然环境系似bar 多过似茶记啦, 所以环境方面就绝对唔错嘅, 而且职员都打扫得非常干净本人就同女友各叫左一个午餐, 包餐汤/沙律, 主食同埋饮品饮品方面都系叫冻柠茶少甜, 咁呢间餐厅嘅糖水系沟埋去杯茶度而唔系另外配上, 本人系非常中意呢种做法, 因为另外配上糖浆的话, 糖浆好难沟到冻茶, 搞到茶还茶, 糖还糖, 呢个处理手法就好似茶记, 不过呢度嘅柠茶一向都好好, 茶底好清, 唔会沟到奶, 而且甜度系偏低, 所以更加感受到茶味, 同埋佢地都会贴心地用保鲜纸包好, 响疫情严重嘅时候重会为客人做多一步, 呢d 细节位会令人记在心上我地两个午餐都系配上蒜蓉包加汤, 当日系大蒜杂菜汤, 呢度嘅包同汤系做得比出面好多餐厅都要出色, 首先蒜蓉包烤过但唔会老身, 外脆内软而且蒜蓉味突出, 系一个好好嘅配角汤方面, 佢地落去煲汤嘅料都非常之多, 而且煲到材料都沟到汤里面, 所以呢度嘅汤系比较结身, 今次饮嘅系大蒜杂菜汤, 老实讲我只系饮到杂菜汤嘅味,而且味道好浓郁, 不过
本人就同女友各叫左一个午餐, 包餐汤/沙律, 主食同埋饮品
饮品方面都系叫冻柠茶少甜, 咁呢间餐厅嘅糖水系沟埋去杯茶度而唔系另外配上, 本人系非常中意呢种做法, 因为另外配上糖浆的话, 糖浆好难沟到冻茶, 搞到茶还茶, 糖还糖, 呢个处理手法就好似茶记, 不过呢度嘅柠茶一向都好好, 茶底好清, 唔会沟到奶, 而且甜度系偏低, 所以更加感受到茶味, 同埋佢地都会贴心地用保鲜纸包好, 响疫情严重嘅时候重会为客人做多一步, 呢d 细节位会令人记在心上
我地两个午餐都系配上蒜蓉包加汤, 当日系大蒜杂菜汤, 呢度嘅包同汤系做得比出面好多餐厅都要出色, 首先蒜蓉包烤过但唔会老身, 外脆内软而且蒜蓉味突出, 系一个好好嘅配角
汤方面, 佢地落去煲汤嘅料都非常之多, 而且煲到材料都沟到汤里面, 所以呢度嘅汤系比较结身, 今次饮嘅系大蒜杂菜汤, 老实讲我只系饮到杂菜汤嘅味,而且味道好浓郁, 不过当你见到碗汤嘅质地之后都会相信佢嘅味道系真材实料
主食方面分别叫左什椒薯仔吞拿鱼饭同埋辣味香蒜虾肉意大利粉
什椒薯仔吞拿鱼饭方面, 白饭系另上嘅, 所以首先唔会糊在一起, 而吞拿鱼就比较普通, 唔会有令人反感嘅腥味, 而且鱼肉唔会碎湿湿, 比较完整, 加上3色椒混在一起, 我觉得比起坊间吞拿鱼嘅制法多左一种新鲜感, 而且3色椒煮得炆烂, 所以带一种甜甜嘅味道, 无形中点缀到吞拿鱼嘅单一, 而薯仔方面, 应该系以气炸锅方法烹制, 似焗非炸, 不过薯仔切件厚身, 可以食到当中粉粉嘅质感, 都几香口, 但感觉同吞拿鱼蓉唔多关事
辣味香蒜虾肉意大利粉, 呢度虽然系以卖酒同darts 为主, 但佢地厨房嘅水平都唔低, 以呢个意粉为例, 做到口感爽滑, 条条分明, 虾肉就系冰鲜货所以鲜味系欠奉, 不过呢度爆香蒜片同炒意粉都好有一手, 所以整碟意粉都非常入味, 辣味就好似辣椒仔辣汁咁, 不过见相好浅色, 但其实非常之辣, 而且油份拿捏得好, 所以唔会食到啖啖油, 水准之作呢
最后埋单98蚊, 咁平边度揾呀
张贴
