椰粉湯紅 (已結業)

潮流兴养生，今日约咗个湾仔返工嘅朋友食饭，佢就带我嚟咗呢一间佢平日lunch成日去嘅椰粉汤红食番个健康餐。店舖面积唔算大，朋友话午市时段次次都座无虚席，而且好多附近返工嘅人嚟买外卖。餐牌上嘅菜式用料方面都比较健康，价格相宜，仲免收加一。每周都有唔同嘅汤水。竹丝海南鸡椰香饭套餐会配埋是日食疗汤水同一碟蔬菜。朋友力推呢个竹丝海南鸡饭，开头我听到系竹丝鸡就有啲惊，因为平时竹丝鸡最多都系煲下汤，我未试过食只黑色嘅鸡，不过一放入口印象就完全唔同晒，因为肉质比起平时食开嘅鸡更加弹牙，系真心好食！椰香饭系用海南鸡汁捞过嘅饭，比起出面食嘅油饭健康啲。蔬菜系菜芯，煮得够淋，啱哂我。平时出面嘅汤通常都偏咸，但我觉得呢个汤应该冇乜落盐，我就好钟意，因为更加能够品尝到汤料嘅原汁原味，饮完都觉得好滋润。另外仲叫咗个猪颈肉蛋包饭，因为呢个本身唔系套餐，所以我哋就加咗蔬菜同饮品。猪颈肉切得薄薄的，咁就可以浅尝肉类又唔会食得太多，包住饭嘅蛋煮得啱啱好唔会过熟，再配埋南瓜、粟米、秋葵同蕃茄，配搭健康。朋友坚持话要食秋葵，我起初都唔太钟意秋葵滑潺潺嘅感觉，不过佢叫我试一条之后，入口觉得几清新又爽口，又真系几好食㖞，我仲一