拾う月

营业中

休息中

位置系有啲刁钻，但唔算难揾。电梯上两层，即图书馆下面𠮶层，转右又转右，尽头见一大缸靓靓「咁你」就是。原来系日、泰两食。主要想日食，所以只睇日本咩料。串烧都系日式串烧轻巧三件装，几钟意黑豚肉紫苏卷阵味。平时用紫苏叶煮海鲜为咗解毒，依家衬猪肉个作用变咗解腻，类似百里香之类，不过紫苏就较软身方便吞埋。另一串系牛肋肉，外熟内生，味道可以，相对就显得较普通。和牛乌冬卖相都几娇嫩，类似越南生牛肉河粉，只系转咗稍为厚身大片嘅牛肉片、稻庭乌冬，调味各样都ok，系略嫌有啲细碗。亲子丼，玉子都细碎混和咗切粒鸡肉，滑滑溜溜几顶到肚，反而饭量就稍多。油甘肉刺身俾咗唔系近鱼皮位置，比平时食开减腥。