阿來泰式地道風味

营业中

休息中

旺角有好多间泰国餐厅，今次同屋企人拣左间小店，性价比高同埋可以试下正宗泰国风味。我哋叫咗明炉冬阴功煮乌头、猪颈肉炒通菜、同埋泰式卤猪髀。明炉冬荫公煮乌头几特别，好似未见过用冬阴功做汤底，味道意想不到，又酸又甜。加上秀珍菇吸收汤汁，真系好好味。仲有一碟辣汁，鱼肉沾埋辣汁更加鲜味！猪颈肉炒通菜好香口，蒜味浓郁。猪颈肉份量多，虽然有啲硬，但味道好入味。泰式卤猪脾肉质软嫩，入口即化，好啱老人家食。仲有酸菜同卤蛋，酱汁多而且入味，整体味道好好。飞天炒椰菜苗香口，辣辣嘅味道好开胃，真系好好味，椰菜苗又爽口。龙眼冰够晒Fresh，可以解饭后嘅油腻感，食泰国野必点。