Potluck Eatery

放工同朋友聚一聚，拣咗公司附近呢间新开无耐嘅西餐厅，门面望落非常精致，店内空间亦非常宽敞舒适。点餐后店员为我哋送上忌廉洋葱汤同蒜茸法包，忌廉洋葱汤非常creamy ，入口系清甜嘅洋葱味，忌廉比例亦啱啱好，值得一赞。蒜蓉法包烤得香脆，蒜蓉味道香浓，非常开胃。薯条份量超级多，而且偏粗少少，入口香脆，配上明太子蛋黄酱同茄汁，减低腻滞感。芝士明太子蒜蓉法包即叫即整，面头布满明太子酱同芝士，烤到金黄香脆，香浓惹味。黑毛猪无花果薄饼系我嘅最爱，斋讲卖相已经惹人喜爱，微咸嘅西班牙黑毛猪配上清甜嘅新鲜无花果系完美组合，加上拉丝芝士同薄脆嘅饼底，口感同味道都一流。杂菌意大利饭入口有香浓嘅黑松露味，酱汁creamy之余饭粒唔会太腍，保留口感，而且每啖都有杂菌令口感更丰富，非常足料。蜂蜜慕丝蛋糕好有惊喜，卖相精致，入口系淡淡嘅蜂蜜味，慕丝口感轻盈软滑，配上松软嘅朱古力海绵蛋糕，非常合衬。饮品方面除咗一般嘅咖啡同茶之外，仲有几款自家特饮。姜茅冰摇姜味唔算好重，带有淡淡嘅绿茶味，甜度适中，口感清新。餐厅无论系环境、食物同店员嘅服务都非常好，特别系宽敞简约嘅装潢，有种闹市小绿洲嘅感觉，令人感觉格外放松，好适合朋友