影片
更多
2020-10-11
1856 浏览
早排见到呢间餐厅告急就订枱同朋友黎食个下午茶，食物质素其实唔错，不过中途有啲小插曲影响当日嘅用餐体验，不过讲左食物先，有兴趣嘅可以睇到最后。🍽嫩滑鸡胸意大利酱汁意大利饭主食可加钱转套餐，包汤同$40嘅饮品，转其他饮品可补差价，是日餐汤系西兰花汤，正正常常。意大利酱汁其实系甜啲啲嘅番茄酱，够晒多汁，饭粒无煮到risotto应有嘅硬度，食落似烩饭多啲，但味道唔错，鸡胸都做到个名所讲嘅嫩滑。🍽蒜片海蚬罗勒牛油汁鲜蛋意大利面呢款用上鲜蛋面，似系油面味道嘅扁幼面，酱汁几浓牛油味，带少少蒜香，虽然望落似汤咁但挂到汁，一碟有五六只蚬，有朋友话佢食个只有啲腥，但我食左𠮶两只又无事，两款主菜我同三位朋友各有所好。🍽黑松露芝士薯条呢碟系店员送嘅，薯条热辣辣炸起，呢个粗幼度咬落会食到薯蓉，面头撒上黑松露酱同芝士碎，蛋黄酱入面都有黑松露，份量够大又好食。🍽黑芝麻… 哗！呢款系黑芝麻心太软配云尼拿雪糕，我地一心以为成个心太软都系黑芝麻，但原来只系个馅系芝麻，外层系朱古力，睇相会知切开流心效果唔明显，芝麻味沦为配角，要净系挖个馅先食得出，如果当佢系普通心太软咁食其实ok嘅，朱古力味都几香浓，但如果系一道芝麻甜品就
35 浏览
0 赞好
0 留言
18 浏览
0 赞好
0 留言
主食可加钱转套餐，包汤同$40嘅饮品，转其他饮品可补差价，是日餐汤系西兰花汤，正正常常。意大利酱汁其实系甜啲啲嘅番茄酱，够晒多汁，饭粒无煮到risotto应有嘅硬度，食落似烩饭多啲，但味道唔错，鸡胸都做到个名所讲嘅嫩滑。
嫩滑鸡胸意大利酱汁意大利饭
30 浏览
0 赞好
0 留言
🍽蒜片海蚬罗勒牛油汁鲜蛋意大利面
呢款用上鲜蛋面，似系油面味道嘅扁幼面，酱汁几浓牛油味，带少少蒜香，虽然望落似汤咁但挂到汁，一碟有五六只蚬，有朋友话佢食个只有啲腥，但我食左𠮶两只又无事，两款主菜我同三位朋友各有所好。
蒜片海蚬罗勒牛油汁鲜蛋意大利面
22 浏览
0 赞好
0 留言
🍽黑松露芝士薯条
呢碟系店员送嘅，薯条热辣辣炸起，呢个粗幼度咬落会食到薯蓉，面头撒上黑松露酱同芝士碎，蛋黄酱入面都有黑松露，份量够大又好食。
黑松露芝士薯条
31 浏览
0 赞好
0 留言
🍽黑芝麻… 哗！
呢款系黑芝麻心太软配云尼拿雪糕，我地一心以为成个心太软都系黑芝麻，但原来只系个馅系芝麻，外层系朱古力，睇相会知切开流心效果唔明显，芝麻味沦为配角，要净系挖个馅先食得出，如果当佢系普通心太软咁食其实ok嘅，朱古力味都几香浓，但如果系一道芝麻甜品就唔合格。
黑芝麻… 哗！
23 浏览
1 赞好
0 留言
🍽咸湿阿伯大菠萝
净系睇中文名真系唔知系乜，睇埋英文先知系咸蛋黄菠萝蓉窝夫，呢个配搭都几新奇有趣，又咸又甜但又唔会互相排斥，加埋原味窝夫都唔错。
咸湿阿伯大菠萝
38 浏览
0 赞好
0 留言
☕️冻奶盖鲜奶焙茶/热奶盖鲜奶伯爵/热奶盖鲜奶芝麻
饮品三款都好出色，非常推荐奶盖鲜奶焙茶，奶盖厚身绵密，焙茶味道浓郁，搅匀后都唔会被奶盖嘅味道盖过，个人觉得佢奶盖同茶嘅比例控制得几好。而朋友对两杯热饮都感到满意。
奶盖鲜奶焙茶
18 浏览
0 赞好
0 留言
奶盖鲜奶伯爵/热奶盖鲜奶芝麻
25 浏览
0 赞好
0 留言
题外话/补充资料：
我地订左枱，朋友早左到，店员话由坐低开始计时九十分钟，咁我地就等到够钟先入去，但入去企左四个字都未有枱，店员嘅回覆系因为客人唔肯走所以唔好意思再三催促人地埋单，原本留左上层畀我地，但咁啱早少少有客walk in就畀左人坐，咁订枱同定好90分钟用餐时间有咩意义呢?🤨扰攘近半个钟后来店员安排返我地坐楼上，亦送左个薯条比我地。本身以为件事完啦，我地一心黎试佢地嘅招牌yogurt bowl，落单嘅时候话卖晒，唔紧要，但当我地等紧甜品(其实我地叫同主菜一齐上但店员唔记得左)时见到迟过我地入座嘅隔离枱食紧yogurt bowl，就问店员系咪有返，店员话头先卖哂，之后补左货，咁我地就问如果师傅未开始整可否转款，佢嘅答案系但系而家又卖晒啦。讲真你呃我已经整紧份甜品我都无咁无奈。其实佢地全程对答都系有礼貌嘅，不过成餐饭都前言不对后语咁令人唔知点回应。我地知佢哋做左好多好事，主食同饮品都值得大家一试，写出黎系希望店家可以改善下啲细节位，吸引客人回头帮衬。
(以上食记乃用户个人意见 , 并不代表OpenRice之观点。)
张贴
