泰廚泰國菜館

营业中

休息中

成日经过旺角东站天桥都闻到好香嘅串烧味,再望一望原来系间泰菜馆。门口有个姐姐系炭烤炉前烧紧串烧,见到就觉得好吸引,所以行完街之后都特登返转头坐低食埋餐晚饭。依个拼盘有分两个size,我就order咗个细嘅。有齐晒虾片,虾饼,鱼饼,春卷同埋我最想试嘅串烧。所有炸物都新鲜炸起所以热辣辣,而热辣辣嘅串烧亦有少少炭香味再配埋沙嗲酱食落够晒风味。份量比我想像中大,木瓜爽脆,味道酸酸甜甜够晒开胃,再配埋香口嘅花生碎,正。马拉盏炒椰菜苗基本上系我每次食泰菜都必点嘅蔬菜,椰菜苗炒的够爽脆,但可惜唔知系咪因为棵椰菜苗太大棵,所以有D苦。食满＄200仲可以用一蚊优惠价换小食,我就拣咗泰式生虾,一蚊有四只,抵到烂。够晒冻同爽脆,价超所值。