味道樂居酒屋 (河內道) (已結業)

跟朋友在尖沙咀逛著，见到呢间门面貌似日本居酒屋嘅餐厅，我地喺门口睇餐牌时，已经有侍应姐姐热情招呼，再睇真其实啲价钱真心唔贵，所以就胆粗粗入去试吓。一坐低，已经觉得内里装修都同日本居酒屋一样，好有日本情怀啊！之后我同朋友都唔算太肚饿，所以都系打算叫啲刺身、串烧(衬啤酒一流)。呢个刺身盛，虾同油甘鱼超鲜甜，带子同吞拿都好新鲜除咗日本，都未喺香港试过池鱼刺身，配埋柚子醋，超鲜超美味两款串烧主要用嚟送吓啤酒，但系唔可以当佢系配角，绝对上得大枱见人，由其系厚切牛脷，软软得嚟又唔会冇质感，正一定要提到就系呢款啤酒，超冰冻，夏天饮一流最后一提就系一整班侍应哥哥姐姐，好有活力，又主动又热情。估唔到尖沙咀闹市都有间咁有质素嘅居酒屋㖞，赞啊！