Ocio (煙廠街) (已結業)

第二次去食呢間西餐廳，勝在性價比中上。有唔少朋友都鍾意去食。雖然地方唔算寬敞，但係都有沙發坐。粟米忌廉湯味道一般， 似係罐頭湯，但係粟米都幾多，幾香濃。 朱古力榛子窩夫配燒綿花糖 $65窩夫係喺呢間店必叫，窩夫切成四件，外層有少少脆，內裏帶蛋香，較軟身，加上雪糕、棉花糖同朱古力片。 香煎紐西蘭八安士肉眼配薯條$168我哋叫咗五成熟，肉質都幾粉嫩，煎得軟腍。薯條熱辣辣，尚算香脆，性價比中上。整體不過不失，係行平民價路線。