Luxury (已結業)

纪念日黎到呢间西餐私房菜。一早已经同职员order好菜式，坐低等食就可以了。餐前面包:共有四种味道，上网睇番原来系墨汁，香草，芝士同蕃茄。虽然唔系好食到佢哋嘅分别，但配上牛油或蒜蓉香草酱，都唔错。法式干邑龙虾汤：可能系干邑重手左，食落有点苦涩味，龙虾嘅鲜味被淹盖。幸好个汤口感不俗，够滑。香煎北海道带子龙虾汁烩意大利饭：带子煎到半熟，唔会韧，而且大粒厚身。意大利饭经龙虾汁烩过，味道浓郁，饭粒圆润，有咬口。烤日本A4和牛肉眼配时令蔬菜:当日叫左五成熟，火候控制得宜，可惜个排唔算新鲜，味道中规中矩。焗肉桂菠萝金宝伴自家雪糕：呢个甜品系全晚嘅惊喜。烤焗过嘅菠萝加埋肉桂，香甜而不腻。自家雪糕浓味creamy。不嗜甜嘅我都不知不觉食清光。