hoo韓國包車

营业中

休息中

一讲起食韩国嘢，相信好多人都会谂起酱油蟹，今次我哋就一于有啲新意，揾另一类韩国嘢试吓。嚟到呢间餐厅，一打开门已经觉得十分有风味，见到墙身嘅布置-铁皮拉闸、洗衣机同埋水吧嘅装饰，好似返咗韩国嘅地摊档咁。由于我哋去食嘅时候系午餐时段，避免眼阔肚窄，我哋就谂住两个人share三样嘢就啱啱好啦。首先嚟到嘅系招牌炒章鱼，上菜嘅时候热辣辣已经觉得好吸引，章鱼咬落唔会韧，唔好睇佢个碟以为好少，蔬菜下面冚埋咗唔少章鱼粒，甜甜辣辣好开胃。好味指数： 🌕🌕🌕🌑🌑我哋第二样柯打系泡菜煎饼，泡菜味唔算十分辛辣，但咬落嘅质感同出面餐厅食薄脆嘅感觉有另一番体会，听店员嘅建议点上酱汁更加将煎饼嘅香味带咗出嚟。好味指数： 🌕🌕🌕🌗🌑最后系我哋好期待嘅炸鸡，我哋嗌咗甜辣同酱油一鸡两味，唔单只系鸡髀，连鸡胸嘅位置都好嫩滑，唔会鞋飒飒，除咗份量好足外，每旧鸡都有足够酱汁，充分包裹住香脆嘅外皮，最后成功抱住个肚饿离开。好味指数： 🌕🌕🌕🌗🌑两个人食到行唔喐都系六百蚊有找，有机会经过尖沙咀记住去试下喇！