Urban Coffee Roaster (已結業)

铜锣湾真系有好多好多餐厅，而名店坊呢头就好多都系啲有特色嘅餐厅。今次呢间系起一个几隐蔽嘅位置，外面睇落会以为系一间家私铺，点知原来上咗一层之后，就系呢间小小嘅cafe~一睇成个装修已经觉得系好文青，素色同木材嘅配搭简直冇得输，非常之舒服，系我好钟意嘅装修因为系夜晚所以好可惜试唔倒佢嘅咖啡，但都叫咗几道特色菜海苔配三文鱼子芝士酱，啲海苔十分之脆口，加上大大啖三文鱼子，成个感觉系好丰富，个酱唔会太浓，点多啲都唔怕。肉眼扒配青葱牛肉汁。个汁系好惹味！系有少少似日本酱油嘅味道，令到成个牛肉都系好香好好味。煎得刚刚好，唔会太生，而且啲配菜吸晒啲汁，配牛食好好味。松叶蟹肉饭配软壳蟹，只软壳蟹好大只好香，好似食油炸鬼咁咁惹味，好钟意！个饭就捞左一啲蟹酱、蟹籽同埋唔知系咪一啲鲣鱼汁？食落去好有日式饭嘅味道，好香。最后就系巨型甜品，法式焦糖班戟！佢个焦糖烧得好够火喉，焦香味好够，个汁同个班戟好夹，食完之后，我地两个大食王都饱晒，好满足呢度个环境同埋啲食物都好值得打卡！文青仔女好岩黎呢度食～