影片
更多
2011-05-28
78 浏览
睇完白泥日落，返回元朗，朋友请我佢食元朗著名的何明记，话要我一定要试佢地出名的黄金鸡翼。朋友话何明记自旧年闭门装修后，等足几个月，今日终于重开，叫我一定要帮衬。论环境，装修过的何明记的确好舒适，店舖好大间，卡位好多，六点几，我地可以即时有位兼且可以坐卡位，算唔错啦！不过，坐落之后，愈坐愈谷气，食完大家齐齐话永不再帮衬。＊第一宗罪－－食物大幅加价：装修后，朋友话食物价钱大幅加价，好似平时食开的常餐，之前系32元，而家变左37元，冻饮加三蚊，40蚊一个常餐真系唔便宜。＊第二宗罪－－要咩无咩：我地齐齐叫常餐，不过朋友拣通粉，我拣生面。落完单过左一阵，店员转头话无通粉，朋友只好改只意粉，又过左一阵，店员又话无，结果朋友唯有改叫河粉。一间茶餐厅，通粉同意粉系基本食材，点会咁都无，系咪赶开业，唔理三七一呢？！＊第三宗罪－－厨房内钻地：呢度的厨房系开放式，我地睇住有工人系煮面位置系咁钻地，不断钻钻钻，嘈都不特止，系煮面师傅旁边系咁钻，究竟讲唔卫生架？＊第四宗罪－－店员服务质素奇差：先讲落单的店员，居然落两个简单常餐，我地重复讲好多次都落唔到，写得又慢又唔识计数，等佢写完张单，都可以训足一觉！最可怕系
朋友话何明记自旧年闭门装修后，等足几个月，今日终于重开，叫我一定要帮衬。
论环境，装修过的何明记的确好舒适，店舖好大间，卡位好多，六点几，我地可以即时有位兼且可以坐卡位，算唔错啦！
不过，坐落之后，愈坐愈谷气，食完大家齐齐话永不再帮衬。
＊第一宗罪－－食物大幅加价：装修后，朋友话食物价钱大幅加价，好似平时食开的常餐，之前系32元，而家变左37元，冻饮加三蚊，40蚊一个常餐真系唔便宜。
＊第二宗罪－－要咩无咩：我地齐齐叫常餐，不过朋友拣通粉，我拣生面。落完单过左一阵，店员转头话无通粉，朋友只好改只意粉，又过左一阵，店员又话无，结果朋友唯有改叫河粉。一间茶餐厅，通粉同意粉系基本食材，点会咁都无，系咪赶开业，唔理三七一呢？！
＊第三宗罪－－厨房内钻地：呢度的厨房系开放式，我地睇住有工人系煮面位置系咁钻地，不断钻钻钻，嘈都不特止，系煮面师傅旁边系咁钻，究竟讲唔卫生架？
＊第四宗罪－－店员服务质素奇差：先讲落单的店员，居然落两个简单常餐，我地重复讲好多次都落唔到，写得又慢又唔识计数，等佢写完张单，都可以训足一觉！最可怕系，我地准备起身时，店员执野执到倒泻水，搞到我个位湿晒，差Ｄ淋到我，搞咩呀！我地帮衬的时间已经唔系繁忙时间，到繁忙时间时，呢Ｄ员工肯定更加唔识应付。
＊第五宗罪－－厕所湿到好得人惊：呢间餐厅真系金玉其外，败絮其中，店面装修得咁骨子，但行去厕所一睇，真系好得人惊，短短几步路，又湿又窄又污糟，行快Ｄ都肯定跣亲，咁得人惊的厕所实在令人倒晒胃口！
讲番食物，我的常餐拣的系黄金鸡翼，其实即系炸鸡翼，食落真系唔觉有咩特别，系就系香口，但三旧鸡翼浸系面上面，浸到淋晒，乜味都淡晒。常餐仲有奄列同牛油方包，亦都无乜特别，冻咖啡亦唔见出色。以四十蚊食呢个咁普通水准的常餐，再加上上述咁多宗罪，实在无法令我再帮衬！
张贴
