鬼滷 (已結業)

今日同家人拣咗近铜锣湾港铁站C1出口嘅鬼卤食晚饭，用QR code自己落单。事先无睇食评，所以叫咗潮洲方鱼bb西兰花，原本以为系新鲜鱼加西兰花，原来系类似一小块一小块的方形鱼干，味道特别，加上长条形的西兰花，第一次吃长身嘅西兰花，建议由有花𠮶边吃起会较入味。另外叫咗蚬仔肉生菜包，生菜虽然较细块，但味道鲜甜，配合蚬仔食啱啱好，唔会觉得好油腻。最后叫咗卤水五𩠌拼盘，有鹅肉、猪肚、猪仔脾、墨鱼同慢煮盐香鸡，鹅肉同鸡都去咗骨，而且好入味，真好！猪仔脾好嫩滑，一啲都唔韧，我最爱食墨鱼，口感好滑，如果可以要两份，我会叫两份墨鱼取代猪肚，因为实在太好味，虽然份量较小，但我喜欢！最可惜系我无为意有鬼卤凉茶，好奇上网睇返啲人会食乜饮乜先知有，当时我只叫咗罐普通汽水，可惜！可惜！