影片
更多
2015-04-22
2290 浏览
上次晌Outback一齐食晏嘅年轻人，本身劲钟意食肉，虽然𠮶次Outback午餐已专登点了一客西冷，一客烧猪肋骨，当然满足唔晒佢个胃纳，所以，今次嚟到烧魂一食日式烧肉，有咁多款肉类，直头施展出浑身解数，一定满足到佢嘞 。明知喺放题，有时限，分6:00-8:00，8:15-10:15，9:30后，所以，首要攻略就喺早啲到。不过，由于餐厅晌商厦二楼，门面又窄又细，好多人都好似我哋咁一早去定门口等，所以，越等越挤迫。可是，店员没有因应情况放行 ，其实，有订枱嘅人可以先安排入坐，晌里面坐住先，唔使逼晒晌门口啰。小弟第一次嚟，其实，店内环境几大，餐枱与餐枱之间都几多空间，颇为阔落，真唔明点解唔先安排入坐，仲要6:05先开始入得去。被安排坐晌靠窗卡位，有少少金马伦道街景，而卡位几宽敞，叫人坐得舒服 。因为点菜纸多达14张，由沙律、一般寿司、火灸寿司、创作寿司、刺身、唐扬物（炸物）、潮烧（创意烧烤）、蔬菜类、地鸡、海鲜、豚肉、牛肉、食事（饭面）、一品（散叫菜式），所以，攻略二就喺分工合作填点菜纸。好彩我哋几个无话咩唔食，又无话咩嘢一定必食，总之，点住先，唔够再加，啱食就再翻点。虽然喺放题，只限
明知喺放题，有时限，分6:00-8:00，8:15-10:15，9:30后，所以，首要攻略就喺早啲到。不过，由于餐厅晌商厦二楼，门面又窄又细，好多人都好似我哋咁一早去定门口等，所以，越等越挤迫。可是，店员没有因应情况放行 ，其实，有订枱嘅人可以先安排入坐，晌里面坐住先，唔使逼晒晌门口啰。
小弟第一次嚟，其实，店内环境几大，餐枱与餐枱之间都几多空间，颇为阔落，真唔明点解唔先安排入坐，仲要6:05先开始入得去。被安排坐晌靠窗卡位，有少少金马伦道街景，而卡位几宽敞，叫人坐得舒服 。
因为点菜纸多达14张，由沙律、一般寿司、火灸寿司、创作寿司、刺身、唐扬物（炸物）、潮烧（创意烧烤）、蔬菜类、地鸡、海鲜、豚肉、牛肉、食事（饭面）、一品（散叫菜式），所以，攻略二就喺分工合作填点菜纸。好彩我哋几个无话咩唔食，又无话咩嘢一定必食，总之，点住先，唔够再加，啱食就再翻点。虽然喺放题，只限「食」，包一款饮品而已，再点就要额外付费 。饮品，亦喺佢哋开源嘅一环，因为定价都较出面啲火锅店贵少少。此外，额外再要佢嘅秘制三色酱汁、更换烧烤网……等等，亦需付费，不设热茶、热水供应，都被人有种「小家」嘅感觉 。
秘制三色酱汁食烤肉就需要一点酱汁配衬，早早已放晌枱上嘅酱汁，有酱油、泰式酸辣汁及沙爹酱，当然，食唔同嘅肉应该配唔同嘅汁，但既然人人口味及喜好不同，小弟就觉得随心意好了，唔使太过规限。
胡麻冷豆腐、凯撒沙律 先嚟开开胃，清爽嘅沙律喺最好嘅头盘。胡麻冷豆腐味道唔错，豆腐挺滑，而个胡麻汁几香；相反，凯撒沙律就极之普通。
胡麻冷豆腐、凯撒沙律
138 浏览
1 赞好
0 留言
因为是晚主打嚟食烤肉，虽然，有部份寿司好吸引，尤其几款创作寿司，好似黑松露带子、海胆三色花，但寿司较易饱肚，所以，都喺放弃好啲。
刺身 拣咗几款，喺想试吓佢哋刺身嘅质素，三文鱼、吞拿鱼、剑鱼腩，好随意咁拣，三款刺身都有水准，新鲜甜美，睇色泽至少都觉得对办先啦。
三文鱼、吞拿鱼、剑鱼腩
85 浏览
1 赞好
0 留言
食咗啲冻嘢，饮个汤暖暖肠胃先，难得「烧魂一」又确有汤品提供，晌「一品料理」张点菜纸度，就有一款大根牛骨汤，一款南瓜忌廉汤。
大根牛骨汤唔点菜纸张相咁靓，实物都几吓人，好多「牛膏」浮面，但滔一羹牛骨汤，又唔喺咁肥腻咋㖞，几甜几浓香，碗底仲有好多牛肉碎碎及萝卜粒 。
大根牛骨汤
57 浏览
0 赞好
0 留言
个南瓜忌廉汤浓就浓郁喇，不过，杰身咗啲，晌点菜纸话喺名物，有少少言过其实，但最「骑尼」唔知点解会晌个汤面加葱花 ！
南瓜忌廉汤
30 浏览
0 赞好
0 留言
年轻人即喺年轻人，都喺钟意食炸嘢，所以，点都要嗌少少天妇罗过吓口瘾。天妇罗一共有7款选择，我哋拣咗南瓜、蕃薯、松叶蟹棒及海虾天妇罗，估唔到炸得有一手，脆浆唔太厚，香脆不油，南瓜及蕃薯都够晒粉香，而松叶蟹棒及海虾亦都鲜味。
唐扬（南瓜、蕃薯、松叶蟹棒及海虾天妇罗）
80 浏览
1 赞好
0 留言
因为一阵都会烧好多肉及海鲜，加上啲所谓「潮」烧又好似普普通通，至少吸引唔到小弟，所以，一样都无试过，留肚发力食烤肉。
地鸡、豚肉 烤肉嘅选择由老婆跟友人话晒事，佢哋点乜我就食乜。其实，啲地鸡选择款式多而特别，好似岩盐青柠鸡中翼、辛辣黑椒鸡腿肉，不过，唔知何解佢两个咁保守只点咗椒盐鸡中翼；而豚肉就点多少少，包括极上黑豚肉、血池赤豚小排及鹿儿岛烟熏黑豚3款。
椒盐鸡中翼、极上黑豚肉、血池赤豚小排及鹿儿岛烟熏黑豚
50 浏览
0 赞好
0 留言
极上黑豚肉、鹿儿岛烟熏黑豚
62 浏览
0 赞好
0 留言
血池赤豚小排、椒盐鸡中翼
44 浏览
0 赞好
0 留言
讲到牛肉系，相信喺今晚嘅亮点，牛肉共有9款选择，亦喺咁多款肉类中最多。拣咗黑毛霜降和牛、汁烧安格斯一口牛、葱蒜酱油牛肋肉及牛里肌，一碟过有齐4款牛捧上枱，睇见都流口水 。虽然牛肉唔使全熟，不过，厚身如一口牛、厚切牛舌则应该放晌外围慢烧效果理想啲！
黑毛霜降和牛、汁烧安格斯一口牛、葱蒜酱油牛肋肉及牛里肌
74 浏览
0 赞好
0 留言
不过，友人始终钟情于黑毛霜降和牛，所以，临尾翻兜多4件黑毛霜降和牛，我跟老婆就够晒皮。
海鲜 轮到讲讲海鲜类，较有睇头及多人点嘅相信喺北海道香草牛油帆立贝及深海大虾，此外，岩盐静冈鲭鱼及冲绳小乌贼都相当吸引，故此，我哋亦拣咗依4款作为烧海鲜之选。帆立贝较耐烧，要放晌中间，亦要反吓佢，否则，烧干水都未熟透；而最难烧喺鲭鱼，好易甩皮被个网黐住，几难先烧得好其中一件。
北海道香草牛油帆立贝、深海大虾及冲绳小乌贼
58 浏览
0 赞好
0 留言
岩盐静冈鲭鱼
49 浏览
0 赞好
0 留言
蔬菜 成晚食咁多肉，唔食番啲蔬菜真喺唔得，菇菌类就最合我哋心水，3款菇（冬菇、有机白磨菇及牛油鸡脾菇）一于点齐，烧菠萝、烧南瓜更喺小弟至爱之一，再加点温室洋葱，就成为我哋嘅烧烤蔬菜篮。
烧过嘅菇菌味道宁舍香浓，沾少少酱油提味就够晒，而菠萝烧暖后，水份被蒸发走一啲，甜味更浓郁，况且，又可当生果食，所以，最后再点10件，一半烧，一半生食 。
蔬菜
33 浏览
0 赞好
0 留言
木瓜炖鸡脚汤
46 浏览
0 赞好
0 留言
第二个花臣嘢就喺即开生蚝，突然有店员推成车生蚝，当然唔会免费送啦，要晌官方FB即场赞好，就送两只生蚝，可以拎返去慢慢烧，在场亦有唔少食客参与。
我哋对此兴趣唔大，因为，点菜纸（一品料理）亦有焗蚝菜式，点两只返嚟试，仲悭水悭力，所以，个花臣嘢搞气氛多啲。再者，啲焗蚝真喺唔错，个酱嘅调校唔太浓，无抢走啲蚝味 。
焗蚝
53 浏览
0 赞好
0 留言
烧魂一专做日式烧肉放题，既然喺放题，咩都任食，所以，嚟之前都唔敢有过多期望。此外，睇过佢啲食评，都担心啲服务差，唔知喺咪以往有唔少投诉晌服务方面，所以，餐厅改善咗，抑或我哋食第一轮，所以，问题少啲？入坐安排可以再做好啲，但其他服务真喺唔错，食放题好多时会漏单同埋叫三样得两样，点五份得三份，但成晚无漏单之余，所点嘅嘢食份量应该比我哋所点嘅多，对照番点选嘅款式，又真喺无嚟错㖞 。再者，试过之后，大家都异口同声觉得物有所值，因为都喺$258 +10%一位（未计饮嘢），肉类选择多，部份肉类又几掂，所以，绝对食得过。唯一喺少咗甜品部份，如果有啲雪糕或雪米糍供应你话几好呢！
张贴
