鉄人旨花 (已結業)

最近系朋友中听到一间餐厅开张不久已经好多人食，心中当然想去见识下。位于西营盘既餐厅如果唔系开左地铁应该都几难去，不过单凭呢样野系阻我唔到。餐厅地方唔大，但坐满晒人，唔book位好大机会要等。不过餐厅有见及此都会系繁忙时段set番用餐时间，令其他食客唔驶等太耐。嚟之前已经知呢度主打丼，都好多唔同款式拣。秋丼盛 $188以虾蟹为主既秋丼盛配以多种刺身：甜虾，丹虾，蟹柳，蟹钳，蟹籽，各种刺身布满丼既表面，十分丰富。而刺身亦没有雪藏的味道，感觉新鲜。厚烧牛舌 $68牛舌比平时食开更大件更厚，虽然系厚身，但唔会有韧既感觉，而咬落去一样爽口，食既时候加埋柠檬汁味道更突出。经过今日一试，难怪餐厅魅力没法挡，走既时候已经又有客人准备入嚟。