影片
更多
2018-06-17
86 浏览
尖沙咀美丽华广场附近近期有座大厦"MW Plaza" ，刚刚落成冇几耐，而陆续有唔同嘅食店进驻，响尖沙咀食嘢都食到厌，就去试下新地方 上个weekend就去食咗一间有主题嘅fine dining，座落一楼嘅“魔衣橱咖啡厅” ，佢哋嘅装修精致特别 ，有少少似哈利波特既场景，带点魔幻带点优雅，地方够大楼底又高，佢哋主打系Cafe Bar and Restaurant ，可以三五知己饮酒倾计，亦都可以系统另一半呢享受fine dining嘅好地方，仲有一间vip房隐藏咗喺书柜后面，绝对系有心思，而食物方面暂时主打系set menu， 有五道菜同三道菜嘅价钱选择。𠮶日有两个set menu, 我哋就拣咗一个点五道菜，另一个点三道菜。 每一道菜上枱嘅时候，店员都详细介绍菜式嘅煮法及配料等等，非常细心同埋用心。头盘系“西班牙松脆包配鹅肉酱”， 响松脆嘅包上面铺满鹅肉酱，口感带脆带软， 味道有少许似鹅肝酱，连埋垫底嘅火箭菜一齐食，会食出不同嘅口感 另一个菜式“香煎吞拿鱼伴西米脆片”， 方形嘅吞拿鱼煎得表面香里面软，加埋西米脆片一齐食，亦都系食出另一道锋味。我哋选择咗“粟子忌廉汤”，汤底系由十几只鸡淆
𠮶日有两个set menu, 我哋就拣咗一个点五道菜，另一个点三道菜。 每一道菜上枱嘅时候，店员都详细介绍菜式嘅煮法及配料等等，非常细心同埋用心。
头盘系“西班牙松脆包配鹅肉酱”， 响松脆嘅包上面铺满鹅肉酱，口感带脆带软， 味道有少许似鹅肝酱，连埋垫底嘅火箭菜一齐食，会食出不同嘅口感
另一个菜式“香煎吞拿鱼伴西米脆片”， 方形嘅吞拿鱼煎得表面香里面软，加埋西米脆片一齐食，亦都系食出另一道锋味。
我哋选择咗“粟子忌廉汤”，汤底系由十几只鸡淆制多日而成， 再加埋栗子蓉同忌廉，十分之香，而且充满栗子小粒，令到忌廉汤更浓郁及有咬口。
主菜系“慢煮法国黄鸡胸”，鸡胸扒由慢煮而成，令到肉质非常嫩滑，慢煮之后将鸡胸香煎两面，令到鸡胸扒表面香脆，内里仍保持非常嫩滑， 绝对推介。
另一主菜系慢煮野生灰鲷鱼，同样灰鲷鱼以慢煮而成，保持肉质新鲜嫩滑，灰鲷鱼配衬藜麦做饭，健康又好味。
而pasta选择咗"鹌鹑髀意大利饭"， 鹌鹑脾系非常之少餐厅可以食到， 所以绝对要食，鹌鹑脾煎得香脆，意大利饭汁浓郁好味，绝对系唔错嘅选择。
“焙茶芝士饼”作为呢一餐嘅good ending， 一个正方形嘅芝士饼陪衬蝴蝶型朱古力及干柠檬，斋睇卖相已经攞满分，芝士饼配衬洛神花酱 简直perfect。
呢一餐无论视觉及味觉都十分之满足，绝对系一个享受。
张贴
