魔膳廚房 (已結業)

每人心目中都应该有某种食物是无法抗拒，于我黎讲一定非「靓牛扒」莫属，呢间魔膳厨房就有呢种本事，可以挑起你最原始嘅食欲，令人食指大动魔性尽现。呢度装修虽然普普通通中规中矩，但我就比较著用付出的金钱是否落响食材方面，呢样野魔膳绝对比到你。餐汤同餐包不能不提是这个餐包「非一般」咁好食，好香好松软，唔会好似平时𠮶啲餐包又硬得干，静系食个包都感受到呢间餐厅十分用心。餐汤方面有罗宋汤同忌廉南瓜汤比你拣，两款都好好饮。香煎美国西冷8oz配薯菜（$138）「重量级」西冷牛扒有成8安士咁重，两面都煎出好靓的碳纹。千奇唔好睇佢成半寸厚会好韧，打横一刀轻轻一砌就将成块扒轻易㓥开，清脆利落。咬落有𡁻头，肉味非常浓，而且中间仲保留到肉汁，抵赞。☕️Rose Coffee食完咁浓味咁Heavy的西冷牛扒，唔想饭气攻心紧系叹返杯香浓咖啡提下神。呢杯玫瑰咖啡真系有玫瑰花的清香，可以清清喉咙。