9 3/4 cafe (已結業)

平时去开旺角，但都冇留意到原来有间以哈利波特为主题嘅餐厅，今次喺网上意外发现，而且男朋友亦都系哈利波特迷，去到都觉得好正~🦑 日本五爪怪 $98呢度嘅菜式名都特登配合哈利波特主题命名，日本五爪怪系明太子鱿鱼忌廉扁意粉，意粉摆盘几有心思，食落明太子味唔算太重，意粉挂汁偏Creamy，忌廉味都好香，鱿鱼食落新鲜爽口，配上粒粒蟹籽。🐮 巨人海格的创可贴 $298巨人海格的创可甜系重量级安格斯肉眼扒，牛扒嘅份量都算大份，唔算特别厚身，但胜在肉质鲜嫩可口，叫咗七成熟，油脂分布平均，沾满酱汁食更好食。🦐 卷卷虾 $58听个名觉得几得意所以叫咗，炸虾被一条条好似意粉咁幼嘅炸薯条围住，食落口感特别，薯条香脆而虾肉爽口，配上甜酸酱食，味道新奇有趣。🍞 积及矮猪包 $48呢个系蒜蓉法包配巴马火腿，巴马火腿唔算好特别，但配上蒜蓉法包味道升华，蒜蓉昧道几出，法包外脆内软，更能带出火腿嘅咸香。