新興棧食家

营业中

休息中

夜妈妈！个朋友话想食粥，我真系毫无头绪，叫佢自己谂，又比佢谂到去油麻地庙街𠮶边有间食粥既，而且专系出名卖鱼粥，鱼既头去到尾都有得食，去到见到都系旧式老粥舖格局，冇装修，但成12点几咁夜都仲多人，后生既都唔小，证明呢间舖真系有返咁上下料子。有图介绍用鱼既唔同部位攞晒嚟做粥。鱼腩粥卖相一般，以为会得二至三块鱼，点知唔系，应该有5-6块鱼腩，不过成碗粥都好热，食第一啖之后停唔到口，热都要继续一啖一啖咁放入口，个粥底真系好正，好鲜甜，d鱼既精华系晒个粥到，我宁愿佢比小d鱼腩我，要多d粥，唔怪得隔离条友食完个碗都仲出紧烟。P.S.推介呢到个鱼皮，出面好小有得食，唔系平时打边炉𠮶啲炸鱼皮，系新鲜鱼既皮，烚一烚再过冷河雪冻左，好烟韧弹牙，加埋佢个豉油👍🏻。