蒂蒂香 (已結業)

坐低叫左一碗杂锦河（加6蚊多2条鱼腐春卷，系呢款河先有得加），一碗推介既鱼蛋河，一碟墨鱼罗白糕，本身想叫d凉拌小食但几款都冇哂鱼蛋河先上，呢度d鱼丸标榜系全鱼肉制冇加粉既，食落真系鲜鱼味同弹牙既。 杂锦河有5款𩠌每款2件超大碗，有鱼丸，鱼卷，鱼饺，墨丸，札肉。我一路都麻麻地钟意有马蹄粒既墨丸，响d弹牙嘅丸入面有d一粒粒爽既野飒飒声感觉好突兀又唔衬，但呢度d墨丸中间既马蹄系好微粒既，鲜味爽口得黎又唔怪。另外几款𩠌都好正。鱼腐春卷即叫即炸都唔错，好多枱都有叫2个人食完依d其实都饱左啦…最后黎既系墨鱼罗白糕，即煎既我放左阵先食都好烫口，面头感觉有点油腻，食落冇乜墨鱼味但口感有dd烟烟韧韧似软身既年糕，有少少罗白丝但冇乜罗白味……头先有d饿挂住食完全忘了影食物相，食到得番d水尾时先记得……下次一定会记得相机食先架啦下次再黎想试埋d凉拌小食同推介既牛丸同手打面，鱼丸类制品应该都会番㗳