赤橋拉麵 (已結業)

以沾面嚟说，佢嘅汤底略嫌唔够咸，但系都够浓郁嘅；汤嘅温度方面就唔够热，有啲影响咗个面；至于面嘅质地配沾面相当夹，但如果做拉面就略嫌粗咗少少；豚肉质地好林，好食；另外，饺子嘅味道都好好，值得一试。店面干净企理，店里面嘅墙身仲画咗啲好得意又好靓嘅公仔，环境唔错，坐得都几舒服，冷气又够，唔会食食下出晒汗。但如果有冻茶饮，或者系冰水就无得顶喇。如果唔识路嘅朋友想嚟，搭的士嘅时候话俾司机知喺井财街，咁会容易啲揾嘅。