魚事者 (鴻達樓) (已結業)

无错，真系全部都系用鱼肉做既各种创意小食。店主好窝心，外卖纸袋仲画左公仔，店外既墙同埋纸盒既鱼同画都系好靓，只色仲好有夏日气色!咖喱汁吉列猪扒鱼面捞，捞鱼面可以简半份/全份，3件吉列猪扒皮薄香脆，里面keep到肉汁！鱼面好特别呀，有弹性，少少烟韧，捞咖喱汁非常惹味!另一个系捞芝士汁，有住唔同既滋味! 芝士香滑但唔会腻!港式多士三并配黑松露酱3块多士各有特色，用上虾/鱼/墨鱼滑酿上去，​全部都好新鲜好香，配黑松露酱，惊喜好特别，几钟意虾味够香!炸鱼无薯条，即叫即炸既炸鱼条，口感好得意，外脆内弹牙。店员话唔点酱食系最正~我都觉得系，唔会俾D酱盖过鱼味! 咖喱鱼兵团，鱼饼弹牙，造型可爱，咖喱鱼味都浓郁!烧卖(原味同芫荽)​几钟意芫荽味，未到好浓但有个阵香气，又可吊起鱼味。鱼肉烧卖真系全部用鱼做，好纯正。期待迟D会有更多唔同既创意既鱼仔小食!