龍津美食

营业中

休息中

今日行开去荃湾路德围，有啲肚饿，见到呢档烧卖鱼旦买一送一，只系$8咋，于是买串食。原来都好多人排队帮衬，我唔知规矩，比人误会我打尖。轮到我时才知道原来可以净鱼旦买一送一，或者净烧卖买一送一，又或者鱼旦烧卖各一，比食客多些选择。我最后决定鱼旦烧卖各一，原来用碗载啲鱼旦烧卖，很方便。因挂住食，忘记手机食先，其实鱼旦烧卖各六粒，$8就有12粒，非常抵食。鱼旦弹牙爽口，都有鱼的味道，加埋辣汁非常惹味。烧卖卖相就比较差啲，两粒黏埋一旧，质感比较，又细粒啲，不过加左豉油辣汁后，味道提升左变得惹味。不过下次再食，我会选择净鱼旦买一送一。