小飛象美食 (已結業)

今日放假 约咗呀妈系荃湾行街 难得闲日放假想训晏啲 但系佢系都话要食咗早餐先去行 之后就带咗我去一间佢成日食嘅餐厅食鱼柳早餐🐟 佢话呢间嘅鱼柳早餐好抵 所以狂sell我一齐食 见佢盛意拳拳 咁就一齐试下啦😂呢份鱼柳早餐包括 一块好厚嘅鱼柳 煎双蛋 同一个餐包 再配一杯饮品 我嗌咗沙律酱另上 废事整到个饱 块吉列鱼柳大到等于出面食嘅两块咁😮 鱼柳嘅肉质好嫩滑 而且冇雪藏味 炸到脆卜卜好好食👍🏻 出面真系好难食到咁大块鱼柳 我叫咗太阳蛋 如果煎到脆边就仲正🤤 餐包都几软熟除咗呢个鱼柳餐 其实早餐都有好多选择😻 可能下次会试吓食其他 见到其他客人食嘅餐都好吸引