漁樂 (已結業)

嚟长洲总离不开食食同埋食😋有必食大鱼蛋、芒果糯米糍、豆腐花、手卷寿司、车轮饼.......真系应有尽有！所以每一次嚟都会想睇下有D乜新嘅嘢，今次试嘅小店就系渔乐 yulokcc，其实上次经过时已经想试，不过因为食得太饱嘅缘故，又赶住搭船所以最尾冇试。上次店舖冇乜人，今次就好多人。经过一轮三心两意又选择困难之下（其实Menu只有四个Items😅) 。我地拣咗原条鲚鱼$40，始终对炸鱼情有独钟。首先讲卖相先，见到店员都好俾心机去上碟，唔系求求其其就算，仲配酸瓜同青提子伴碟，几有心思。炸鱼炸得刚好，唔会太炸或太干身，唯一系调味好似唔系太够，有啲淡。不过有一点更加要改善系take order嘅程序处理，见到员工都好似好用心但系感觉整体有啲乱。搞到成间舖都企满，食野、排队、等order嘅人，有啲混乱同迫嘅感觉。加油！支持小店！