Fish & Chick (高街) (已結業)

今日去开西环探朋友，顺便一齐食晚饭，朋友知道我最钟意食Fish N' Chips，就话今日带我去西区附近一间用鲜鱼制作嘅英式炸鱼。终于到咗啦！呢度嘅装修风格以蓝色白色为主，好友一种英伦嘅水手风，感觉就好似我哋两个返返去以前系英国读书嘅日子。鱼类方面有本地香港新鲜鱼，又有外国进口鱼，听点员讲解进口鱼口感会比较似鱼柳结实啲，本地嘅由于系即日挑选，口感滑身d。于是我点左Flounder $155:外层松脆，鱼肉嫩滑多汁，有别于一般嘅鱼柳，香港与英国风味嘅交融，实在令人惊喜不已。Fresh clams in white wine: 蚬肉胀卜卜，非常结实，味道带点辣和白酒香，不错。我哋见到呢度有原只烧鸡，成只烧嘅鸡系我好钟意嘅菜式，因为鸡油可以紧紧锁住喺肉里面，呢一个层次系半只感受唔到嘅，所以虽然只系小猫两只，我都坚持朋友一定要全只点，实在太美味喇，两个人吃得津津乐道！今个晚餐有讲有笑，实在愉快。