巴蜀烤全魚 (已搬遷) 新店位置

成日心郁郁想食烤鱼，大陆就周围都有一间，但系香港真系唔多见，去开红磡黄埔个边听过有间食烤鱼既餐厅，咁就拣好个餐食咩啦。话明巴蜀烤全鱼，唔食哂成条鱼都对唔住自己啦。朋友完全唔食得辣，所以只系拣左酸菜味，鱼类方面听店员推介叫左海鲈全鱼，少骨啲又滑。店员将成盘烤鱼摆上档，好壮观。上面有好多香葱，夹埋酸菜同鱼肉食非常夹。佢反而咸鲜味突出，鱼肉吸哂汤汁既精华，肉质鲜嫩。烤全鱼分量岩岩好，两个人食食得够尽兴。由于佢上菜个时，下面keep 住有火去make sure 条鱼唔会冻哂，慢慢食都唔会有种冻左之后既鱼腥味。可能佢一直都好滚既关系，连辣都冇食，我都一路食都一路出汗😃😃野饮方面，见到佢餐厅推介个支装桂花酸梅汤，比起自家煲个啲较甜，桂花清香得黎唔会抢左酸梅汤本身既梅味。