麵麵 (已結業)

依家嘅我都会时不时帮衬主打健康饮食嘅餐厅，最近喺旺角就见到一间全港首创鱼乌冬嘅专门店「面面」，佢嘅鱼面、鱼乌冬、鱼汤都具有丰富营养。咖喱吉列猪扒拌鱼乌冬，咖哩浓香，味道微辣；吉列猪扒口感酥脆，皮薄肉厚，食落Juicy，配以美乃滋食用，口味更日式；鱼乌冬口感烟韧Q弹，鱼肉味道浓郁，忌廉嘅加入令鱼乌冬有多一层Creamy嘅口感；每份套餐配有3款前菜，柚子汁大根味道清甜，口感爽口；甜蕃薯味道香甜，口感绵密；胡麻酱海苔，味道清新。姜汁烧鳗鱼鱼汤料理，鳗鱼份量大，肉身厚实、鱼肉滑嫩多汁，姜汁调味甜咸适中，鳗鱼带有些少姜辣，鲜味更突出；鱼香麻辣汤惹味，但仍然饮到当中带有鱼嘅鲜味；3款前菜一式一样都系包括有：柚子汁大根、甜蕃薯、胡麻酱海苔。流心蛋越南豆腐，流心蛋蛋味香浓，流心效果突出；豆腐非常嫩滑，越南酱汁酸酸甜甜、味道独特；沙律有多款蔬菜，配以日式芝麻酱食用，味道更清爽。泡沫玫瑰奶茶，泡沫口感幼滑，奶茶浓厚嘅茶香中带有淡淡嘅玫瑰香气，味道微甜，唔会掩盖左茶味、玫瑰味。冻爱尔兰忌廉咖啡，鸡尾酒款式之一，上层系厚厚嘅香滑忌廉，下层系加入威士忌甜酒嘅咖啡，咖啡饮落有另一浸果香，整体味道甜而香醇。