九州鯛魚 (已結業)

由于屋企人去咗旅行，我冇饭食，所以同朋友嚟咗食呢个日本嘢。以为系食拉面嘅，原来呢佢系主打食鱼汤乌冬嘅。入面装修都几靓嘅，试试正正，平日七点钟都几多人， 要等位五分钟左右。朋友叫咗个帆立贝 鱼汤乌冬，都有三只大嘅帆立贝，佢啲乌冬系幼身啲𠮶种，都弹牙嘅，个汤就真系好浓味，唔错！另外𠮶个系牛肉饭定食都几抵食㖞，98蚊有和风牛肉饭，温泉蛋一只，和风沙律，鱼汤一碗同埋薯仔沙律。 都几搞笑，有两个沙律。佢嘅牛肉饭唔系吉野家𠮶种，系似寿喜烧汁煮过个种，比较甜嘅，好食，都几大碟但都几油。