ナカヨ食堂

营业中

休息中

环境2分：大型商场地面超级市场内嘅food court，地方唔大，有吧台位，有二人四人枱，食晏时间要等位。卫生3分：乜都系自助，卫生系正常快餐三分货仔。服务3分：同快餐店一样，要自己排队买嘢食，自己攞水，wasabi，豉油，筷子，同嘢食，正常冇服务嘅三分。味道3分：海胆三文鱼丼，个餐跟一碗面豉汤，面豉汤嘅份量比出面食开嘅大碗，味道正常冇特别， 快餐店唔会expect好多。重点系个海胆三文鱼丼，份量唔系好大，但胜在三文鱼同海胆都几新鲜，个饭少少甜，唔太冻唔太热暖暖地，烟烟靭靭唔错，畀佢三分。抵食3分：109蚊一碗日本鱼生饭，不过不失，但碗饭嘅份量比较少，所以畀三分。