鳴門魚市場居酒屋 (已結業)

经外卖平台叫咗𠮶粒粒角切海鲜丼（$72）。本来冇乜特别嘅期望，不过𠮶饭送到嚟，发现豉油系用密实袋仔装嘅，真系吓咗一跳，哈哈。 跟住𠮶丼饭都好大兜下，而且啲鱼生好多，睇横切面，甚至多过啲饭。 鱼生有三文鱼、吞拿鱼、剑鱼腩同八爪鱼。鱼生都系中上水平，不过不失，但都算新鲜嘅。饭底上面舖咗一层紫菜，本身有味，所以唔驶落太多豉油。 唯独系佢有附三两条沙律菜，会有少少唔系太Match。 整体而言，鱼生嘅份量好多，而且都算新鲜。份量啱啱好，算系唔错嘅一餐。