スーパー丼 (駱克道) (已結業)

呢铺真系争唔落，都唔知算唔算伏咗星期日行完山好肚饿谂住食好D，所以嚟呢到食 #丼饭 ，但真系唔想有下次。首先系落完单之后隔咗好耐都未上菜，迟入嚟嘅隔离台都有得食，待应先行埋嚟话部机Jam 咗纸要重新落单(Jam 纸唔系第一时间发现，之后D单出嚟都唔问﹖)然后终于都等到我嘅 角切鱼生丼 同男友嘅 吞拿鱼腩温泉蛋丼饭望落连D 料都铺唔过碗饭，我只系联想到佢似一个甩头发嘅地中海呀叔。最大获唔系D 鱼生刺身系无味，三文鱼无油香，白身鱼唔知食紧咩，牛油果熟到黑都摆上碗，而系个饭系雪过仲要无完全整返热整返松，一旧旧咁实咗痴埋，用筷子成旧硬块咁夹得起主打做丼饭但连饭都做得唔好，阴功。