大滿足 (已結業)

记得大满足岩岩开系葵芳广场二楼果阵，大大件三文鱼手卷系佢嘅招牌，夹系手卷入面个件刺身又大件又新鲜，每次食都真系大满足架。但系去到后期佢开埋玉子烧之后，啲刺身就开始缩水，而家搬咗去另一边，就更加细旧啦。不过好在佢嘅三文鱼腩同埋吞拿鱼蓉都好新鲜，又够甜。另外佢嘅芝士蟹籽吉列大虾手卷，大虾炸得热辣辣，真系几好食。但系个芝士蟹籽应该系预先整好嘅酱，包好大虾之后就唧啲酱系上面，所以只虾系热嘅但系啲酱系冻嘅，个人觉得感觉唔系咁好。不过，佢系喺葵芳难得有座位嘅小食店，所以如果行街行到好攰想坐下食啲嘢嘅话，呢间都系唔错嘅选择。