影片
更多
2016-11-04
3887 浏览
同fd庆祝生日，大家都想食放题。旺角既日式放题餐厅虽然好多，但之前去过几间既质素真系一般，尤其系啲鱼生唔系好新鲜，肉质霉霉啲，食几旧已经唔敢再食所以今次想去间价钱贵少少唔紧要但鱼生一定要新鲜。听朋友介绍观塘呢间唔错就黎左试。间餐厅好大，环境非常舒适，座位又以卡位为主，好适合朋友聚会。一坐低我就疯狂划n咁多件鱼生(通常只会黎一半)，上菜既时候真系好surprised，望落好新鲜！点既件数都黎齐不单止，仲系用好靓既盘加干冰一齐上，可惜我食到一半先醒起未影相，所以得张准备摆落口既帆立贝(超级厚！！) Tempura我拣左虾，外面层粉唔会过厚，咬落卜卜脆，可以食到好多件。 烧三鱼鲛相比之下就无咁出色，因为入面既肉无咩味得出面层皮有调味料，不过肉质都好滑。 最值得一赞既系竟然有黄金虾拣！！出面既咸蛋好足料，食落好香口，比得上系出面食既小炒质素，完全值返个价！仲有点左例牌既各款寿司，中规中矩。甜品方面，我拣左奶布丁，好滑好香奶味，而且就算食完咁多野再食呢个都唔会觉得好滞。 另外仲食左烧菠萝，落单纸写住系有机菠萝，我唔识分，但好甜好香菠萝味，我本身麻麻地菠萝，因为好多时食完条脷会好痕好唔舒服
所以今次想去间价钱贵少少唔紧要但鱼生一定要新鲜。听朋友介绍观塘呢间唔错就黎左试。
间餐厅好大，环境非常舒适，座位又以卡位为主，好适合朋友聚会。
一坐低我就疯狂划n咁多件鱼生(通常只会黎一半)，上菜既时候真系好surprised，望落好新鲜！点既件数都黎齐不单止，仲系用好靓既盘加干冰一齐上，可惜我食到一半先醒起未影相，所以得张准备摆落口既帆立贝(超级厚！！)
Tempura我拣左虾，外面层粉唔会过厚，咬落卜卜脆，可以食到好多件。
烧三鱼鲛相比之下就无咁出色，因为入面既肉无咩味得出面层皮有调味料，不过肉质都好滑。
最值得一赞既系竟然有黄金虾拣！！出面既咸蛋好足料，食落好香口，比得上系出面食既小炒质素，完全值返个价！仲有点左例牌既各款寿司，中规中矩。
甜品方面，我拣左奶布丁，好滑好香奶味，而且就算食完咁多野再食呢个都唔会觉得好滞。 另外仲食左烧菠萝，落单纸写住系有机菠萝，我唔识分，但好甜好香菠萝味，我本身麻麻地菠萝，因为好多时食完条脷会好痕好唔舒服，但呢个唔会，最后食下食下竟然食左3件。
最后最后！榴梿迷注意！！本身我地已经好饱，谂住坐多阵就走，点知俾我闻到好香榴梿味，见到系后面张枱食紧个炸波波既野，就忍唔住再次拎起落单纸点左件。完全无令我失望！最出面好脆，层皮好似糯米糍咁烟烟靭靭，重点系！！入面劲多榴梿肉，一啖咬落去劲满足！(同样去到最后一啖先醒起要影下入面既馅)
张贴
