壽司郎 (T Town South)

营业中

休息中

寿司朗嚟咗香港都有一段日子，分店越开越多。今日去天水围T Town行街，见唔系好多人排队，就去攞张飞睇吓要等几耐。我前面有成40几张枱，不过枱嘅流量都好快，唔使20分钟就入座。通常我一坐低就睇吓有乜嘢期间限定，见有黑鲔吞拿鱼鲛腩，剑鱼大拖罗同特选松阪和牛，唔好讲咁，每样一碟先。𠮶两碟鱼嘅油脂真系无得顶，入口即溶。跟住又试咗大切油甘鱼腩、鳕鱼白子军舰、拖罗池鱼同极上脂鲣鱼。又叫咗几碟平时都钟意食嘅例如三文鱼腩同吞拿鱼腩蓉军舰。最后嚟多碗寒𫚕鱼黑汤拉面，咁就为之very good喇！佢哋除咗好多大路嘅鱼生寿司之前，每隔三几个礼拜就推出唔同嘅期间限定去吸引客人。