大喜屋 (已結業)

话说今日同朋友终于完成左个课程同考试，难得黎到铜锣湾附近就想食下日本野庆祝下而时间当时已经8点几，又想揾性价比好既地方！终于能够附合三个条件既就系黄金广场大喜屋，所以最后决定入去刷一餐劲既。一坐低当然要叫返一大堆刺身去热下身，三文鱼、北寄贝、甜虾、带子呢几个核心既内围是必须的，最神奇原来有松叶蟹脚可以拣，呢个真系放题比较少见而成个鱼生餐单好似食酒店自助餐咁样。上菜见到完全系要开著左个胃，食到停唔到，两人叫左2-3 round 鱼生。另外仲有叫左特色寿司都好吸引，好似黑松露油甘鱼、鹅肝带子都系必食推介。而熟食方面牛柏叶、豉汁炒蚬同埋一口牛都系符合预期。原本以为清酒梅酒系要另外加钱，点知原来都有可以任叫！