影片
更多
2012-04-27
98 浏览
XO一家最爱食日本嘢，家中大肥（即XO爸）同友人聚餐时，得悉铜锣湾有间劲贵，不过超好食o既日本菜，所以衬中肥（XO哥）得闲，我地一家三肥就走左去见识下。竹寿司位于潮厦Cubus 内，小肥经透明玻璃电梯上楼时心情已经开始高涨。一出「车立」门，见到以竹为主o既装修觉得好贴切之余，视觉上亦显得简洁，走廊两旁极似金色瀑布o既灯竹效果，高雅大方，尤其出色！Sushi counter看似平常，但系每个座位都好阔落，好难得我地三个不同高度同横度o既大男人都坐得咁舒服！地下简单o既脚踏位，不但令到最矮o既XO唔会吊脚，六呎高o既爸爸同哥哥亦有足够位置伸展，围住墙边同脚踏位o既灯光喺昏暗o既环境更觉有用，灯光设计师真系有心思！入坐后送上一条热毛巾，刚好比我抹走手上o既雨水，同暖下对手。早到o既爸爸已经同日藉寿司师傅君岛-san倾得好开心，好明显大肥未饮酒已经开始表演佢D日文啦；哈，点知听真D，原来师傅D广东重犀利！今次目的系黎试食，而且有老豆找数，所以我同哥哥就好豪地每人叫左个经理姐姐Joey介绍o既「おまかせ - 竹」（Omakase – Take，HK$ 1,500）set dinner。因为我地两
竹寿司位于潮厦Cubus 内，小肥经透明玻璃电梯上楼时心情已经开始高涨。一出「车立」门，见到以竹为主o既装修觉得好贴切之余，视觉上亦显得简洁，走廊两旁极似金色瀑布o既灯竹效果，高雅大方，尤其出色！Sushi counter看似平常，但系每个座位都好阔落，好难得我地三个不同高度同横度o既大男人都坐得咁舒服！地下简单o既脚踏位，不但令到最矮o既XO唔会吊脚，六呎高o既爸爸同哥哥亦有足够位置伸展，围住墙边同脚踏位o既灯光喺昏暗o既环境更觉有用，灯光设计师真系有心思！
入坐后送上一条热毛巾，刚好比我抹走手上o既雨水，同暖下对手。早到o既爸爸已经同日藉寿司师傅君岛-san倾得好开心，好明显大肥未饮酒已经开始表演佢D日文啦；哈，点知听真D，原来师傅D广东重犀利！
今次目的系黎试食，而且有老豆找数，所以我同哥哥就好豪地每人叫左个经理姐姐Joey介绍o既「おまかせ - 竹」（Omakase – Take，HK$ 1,500）set dinner。因为我地两兄弟都怕骨，所以落单时同Joey讲好刺身寿司同烧物要远离鳝同其他多骨o既鱼，好感激佢真系跟到足。为我地送上食物o既哥哥仔除左好耐心地同我地讲解食材，爸爸特别满意佢加酒o既速度。头盘一之「小柱おろし和え」（带子萝卜）：带子萝卜依个配搭小肥未食过，味道清淡得黎好清新，几特别。
头盘二之蟹肉沙律：蟹肉鲜嫩，味道香甜，沙律酱内加左少少胡椒粉，个组合几得意，正！
头盘三之甜虾配小白虾：大虾小虾都系咁滑嘟嘟，同咁爽嫩。
刺身一之八爪鱼：八爪鱼片切得好够薄，不过最精彩系佢超级爽脆o既口感！平时唔钟意食八爪鱼o既XO都想叫佢黎多碟，可想而知有几掂！
刺身二之鲣鱼：鱼味浓郁，加埋葱蒜同洋葱丝一齐食，整体变得更加香脆，赞！
刺身三之中拖罗：肥嫩o既拖罗溶喺口，鱼鲜味上埋鼻，哗，无得顶呀！
刺身四及五之油甘鱼与虾：大大只o既甜虾鲜脆爽甜，油甘鱼油份足，香滑无比，味道甜美！煮物之樱花糯米卷金目鲷：粉红色o既外观同𩠌名都令人想起而家正正系樱花季节，好有意思！樱花糯米香腍软熟，不过可能紫苏叶个味道太浓所致，XO唔系好食得出卷内金目鲷碎o既味道。
烧物之鹿儿岛和牛：三成熟o既和牛非常松软，又够肉汁，入口半溶𠮶个感觉好high！只系当时心想：就算话系「少吃多滋味」，两小件也实在太少了，真系唔系几够喉。
君岛师傅所做o既寿司，全部都已经调哂味，所以唔需要再点任何酱油。味道同稻菊森口勇师傅𠮶D极为相似，莫非两位系师兄弟？！寿司一及二之金目鲷与平政：鲜甜爽滑鱼油够，齿颊留香！
寿司三之蚬：君岛师傅话此款蚬寿司最啱时候食，因此特别推介。蚬肉鲜甜肥美，配上wasabi同甜酱，清香味道更觉强烈，师傅真系冇介绍错！
寿司四及五之针鱼与小肌：针鱼同小肌个外表好接近，不过食落就知道口感同味道都非常不同。针鱼肉质爽口，但小肌偏柔软，而且后者鱼鲜味比较浓。经师傅扫上调味，两款都咁好食。寿司六之鲔鱼：喺爽滑o既Maguro面放上芝麻粒，增添香脆，简单o既心思令食客食出惊喜，妙哉妙哉！
寿司七之海胆：海胆份量绝不吝啬，净睇相都已经值满分！海胆色泽光鲜，味道鲜甜，质感嫩滑，无得弹！
碎拖罗手卷：手卷最外层o既紫菜皮好似啱啱烘过黎咁，又暖又香脆。师傅喺软熟o既寿司饭同拖罗碎馅中加用左黄色o既萝卜丝点缀，令鱼味更加浓烈鲜甜之外，整个卷物由外至内都变得咁爽脆，好野！汤：海鲜味香浓，饮得出个汤系用真材实料肴制而成。虽然未别及得上中式老火汤咁有火口，不过餐厅肯选择唔用粉去开个面豉汤已经代表左好有诚意！
酸菜之姜及萝卜：爽口o既萝卜用柚子汁腌过，微酸得黎味道又清清甜甜，好醒胃。
甜品之柚子Sorbet：清香酸甜。
小肥食完成个「おまかせ - 竹」餐，虽然唔可以话重肚饿，但系好似差咁Ｄ嘢咁，估计如果佢上甜品前加多碗细细o既汤面，应该会完满好多。
君岛师傅所握制o既刺身寿司非常精巧幼细，外型高贵，而且美味可口！如果大家好似家父咁，唔需要食热嘢，大可选择坐寿司吧，钟意食边款就叫边款，更可以比师傅话事，包保你味蕾会有一级o既享受！日藉师傅友善体贴o既服务，同佢超劲o既广东话一样，真系令到三肥大吃一惊；最感动o既系我地走𠮶阵时，君岛师傅由寿司吧走出黎，送到我地去「车立」口，真系客气！
张贴
