海街丼 (E-Max) (已結業)

呢间「海街丼」本店其实系东京嘅「三轩茶屋」，「渋谷」都有分店，香港仲有成三间咁多。海街丼最出名嘅系佢哋嘅海宝丼，用料做法同日本本店一样。个丼饭有分「并」、「上」、「特上」。「并」材料有吞拿鱼、油甘鱼、穴子、章鱼、蛤蜊、小扇贝、靑瓜。全部切成粒，铺满喺白饭面。「上」就多咗三文鱼子同埋本雪场蟹。「特上」仲更加多埋海胆同埋海虾添。食时可以加入寿司醋啫喱，不同食材，加上啫喱嘅质感非常之特别。我食嘅呢款系「上」，仲多咗蟹肉同三文鱼子嘅鲜味。食到三分之一仲可以加入鱼汤、芝麻、紫菜、脆粒做茶渍饭。套餐仲有一碟小配菜添。