今助烏冬御膳 (已結業)

以前经过好多次，今次都系第一次上嚟雅兰揾食。12点先开始营业，去早咗，唯有周围行下啰。将近12点时上去，见到已经有几枱人坐喺度啦。拣咗乌冬锅物及牛肉乌冬拼鱼生饭套餐。套餐份量颇足，也不过98，有一大碗牛肉清汤乌冬及一碗鱼生饭，如果是饭量不大的女仔，两个人share一个套餐都OK的。乌冬又滑又弹牙，鱼生饭特别一提，饭是有白色的鱼仔（类似白饭鱼？）及冬菇丝一齐煮的，食落唔会好似普通的饭咁样得个酸味，而是有种清甜的味道。锅物乌冬是朋友点的，未有尝试，听来评价尚可，汤底较浓郁，份量都有返咁上下。本想点其他食家提到过的鳗鱼三重饭及蚝锅，然而揾匀个菜单都唔觉有呢两样嘢，唯有放弃。埋单200有找，味道几好价格适中，以食物来说是可以有下次的。服务方面，我其实想比只零鸡蛋佢的，一来叫落单都好难叫，兼且埋单时是有找钱的，个哥哥仔拿找续的钱过来，我钱都未拿完，他就急急脚拿著个找钱簿走咗了。虽然只是几个碎银，but呢种态度令人感觉不好。