翔壽司 (已結業)

见呢间寿司喺厚福街都开咗好耐，一直都未嚟试，呢日中午就嚟试吓午市定食。店内得十个位左右，好彩我哋去到𠮶阵只有三四个人，唔洗等。我哋2个人，叫咗3份午市定食，每份定食有沙律、面豉汤，紧系都照要3份啦。北海丼 $208有中呑拿鱼腩、油甘鱼、三文鱼、牡丹虾、赤贝、海胆、三文鱼子。但我𠮶日去就冇油甘鱼，比咗鲷鱼。中呑拿鱼腩唔算肥，不过冇乜筋，口感唔错三文鱼好鱼香三文鱼子够鲜牡丹虾弹牙有鲜味，不过虾头膏都系有啲腥海胆质感挺，唔会劲淋，色泽唔错，都鲜甜赤贝爽口鲷鱼冇乜味，偏淋身火炙寿司盛盒，有8件，$98有三文鱼、带子、左口鱼边、深海池鱼、蟹柳、鳗鱼、三文鱼腩、金线鲷火炙好香，特别左口鱼边好油香入口即溶，带子都好香，每件都唔错刺身寿司盛盒 $148刺身有赤虾、三文鱼、油甘鱼，油甘鱼同样被转为鲷鱼寿司有赤身、左口鱼边、真鲷、鲂𫚒、带子赤虾肉弹牙，鲜甜，同样系虾头膏少腥三文鱼都系好香赤身好浓味，左口鱼边都系好油香好食，真鲷几香鱼味，鲂𫚒偏靭不过都唔错，几香整体鱼生味道不错，寿司饭方面醋味刚好，食到寿司醋味，饭亦不会好硬，注意饭内有wasabi。唯一问题是其中一位侍应的服务不太好